बिर्तामोड १२ पुस । नेपाल उद्यमशील महिला संघ झापाको आयोजना र एक्सेल डेभलपमेन्ट बैंक लिमिटेड प्रधान कार्यालय बिर्तामोडको सहयोगमा आइतवार बिर्तामोडमा एकदिने अन्तरक्रिया कार्यक्रम सम्पन्न भएको छ ।
नेपाल उद्यमशील महिला संघले उद्यमी महिला तथा युवाहरुलाई लक्षित गर्दै उक्त कार्यक्रम सम्पन्न भएको हो ।
केही गर्न खोज्ने र आफूसँग पर्याप्त पूँजी नभएका महिलाहरुका लागि बैंकले व्याज अनुदानको सौलियतपूर्ण कर्जा सम्बन्धमा एक्सेल डेभलपमेन्ट बैंकका प्रमुख कार्यकारी अधिकृत दीनेश पोखरेलले जानकारी गराउने भएको थियो ।
बैंकले युवाहरुलाई लक्षित गर्दै कृषि परियोजना, प्राविधिक शैक्षिक कर्जा, उच्च शिक्षा कर्जा लगायतका विषयमा दुइलादेखि १० लाखसम्म बिना धितो कर्जा प्रदान गर्दै जानकारी बैंकका कर्मचारी शिवकुमार गिरीले जानकारी गराउनुभएको थियो ।
त्यस्तै एक्सेल बैंकले धितो राखेर व्यवसायिक कृष तथा पशुपंछी कर्जामा पाँचकरोडसम्म ऋण दिने बताईएको छ ।
नेपाल उद्यमशील महिला संघ झापाकी अध्यक्ष पार्वता खरेल बिमलीको अध्यक्षमा सम्पन्न कार्यक्रममा दीनेश पोखरेल लगायतले सभकामना मन्तव्य राख्नुभएको थियो ।
कार्यक्रममा स्वागत मन्तव्य संघकी उपाध्यक्ष ऐश्वर्या पाण्डेले गर्नुभएको थियो भने सञ्चालन महासचिव यशोदा प्रसाईंले गर्नुभएको थियो ।
कार्यक्रममा विभिन्न पेशा व्यवसाय गर्ने महिलाहरु र जनप्रतिदिनिधी महिलाहरुको उल्लेख्य सहभागिता रहेको थियो।
Discussion about this post