बिर्तामोड १७ मंसिर । झापामा पछिल्लो २४ घण्टामा ५९ जना कोरोना भाइरसका संक्रमित थपिएका छन् । जसमा २८ जना महिला रहेका छन् भने ३१ जना पुरुष रहेका छन् ।
आज संक्रमण पुष्टि हुनेहरु सबै स्थानीय रहेका छन् । जसमा दमकका ५, बिर्तामोडका १०, गौरादहका ४, मेचिनगरका १, भद्रपुरका ७, कनकाईका ४, हल्दिबारीका ११, अर्जुनधाराका २, बुद्धशान्ति र गौरिगञ्जका १, कमल, शिवसताक्षी, बाह्रदशीका ३–३ र अन्य ठेगाना भएका १ जना गरि ५९ जनामा संक्रमण पुष्टि भएको स्वास्थ्य कार्यालय झापाले जनाएको छ ।
जिल्लामा आजसम्मको कुल कोरोना संक्रमितको संख्या चार हजार १० पुगेको छ भने डिस्चार्ज हुनेको संख्या दुई हजार ६७१ रहेको छ । हालसम्म आइसोलेसनमा रहेका सक्रिय संक्रमितको संख्या एक हजार २२५ रहेको छ । त्यस्तै होन आइसोलेसनमा एक हजार २०५ जना रहेको जनाइएको छ । झापामा कोरोनाले ज्यान गुमाउनेको संख्या ११४ पुगेको छ ।
त्यस्तै देशभरी पछिल्लो २४ घण्टामा थप १३४३ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या २ लाख ३७ हजार ५८९ पुगेको छ । स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या १५ हजार ७६६ रहेको छ ।
पछिल्लो २४ घण्टामा थप २१२२ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख २० हजार २७२ पुगेको छ । उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।
नेपालमा पछिल्लो २४ घण्टामा थप १५ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या १५५१ पुगेको छ ।
Discussion about this post