झापा ९ मंसिर । पछिल्लो २४ घण्टामा जिल्लामा तीनाको मृत्यु भएको छ भने १११ जनामा कोरोना भाइरस संक्रमण पुष्टि भएको छ । जसमा ५१ महिला र ६० पुरुष रहेका छन् ।
मृत्यु हुनेमा दुई जना महिला भद्रपुरका र एक जना पुरुष दमकका रहेका छन् । योसँगै झापामा कोरोनाबाट ज्यान गुमाउनेको संख्या ९९ पुगेको स्वास्थ्य कार्यालय झापाले जनाएको छ ।
आज थपिएका संक्रमितहरु सबै स्थानीय रहेको स्वास्थ्य कार्यालय झापाले जनाएको छ । संक्रमितहरु दममका ६ महिना र ५ पुरुष गरी ११ जना, बिर्तामोडका १० महिला र १३ पुरुष गरी २३ जना, गौरादहका ९ महिला र १७ पुरुष गरी २६ जना, मेचीनगरका २ महिला र २ पुरुष गरी ४ जना, भद्रपुरका ४ महिला र १ पुरुष गरी ५ जना, कन्काईका ५ महिला र ४ पुरुष गरी ९ जना, हल्दिबारीका १ महिला र २ पुरुष गरी ३ जना, बुद्धशान्तिका २ महिला र ४ पुरुष गरी ६जना, अर्जुनधाराका १ महिला र ४ पुरुष गरी ५ जना, बाह्रदशीका १ महिला, कचनकवलका २ महिला २ पुरुष गरी ४ जना, शिवसताक्षीका २ महिला र २ पुरुष गरी ४ जना, कमलका २ महिला र अन्य ठेगाना भएका ८ जना गरी १११ जना रहेको स्वास्थ्य कार्यालय झापाका फेकल पर्सन जीवन चौलागाईंले जानकारी दिनुभयो ।
योसँगै हाल झापामा कुल संक्रमितको संख्या तीन हजार ४७२ पुगेको छ भने डिस्चार्ज हुनेको संख्या दुई हजार ३२९ रहेको छ । हालसम्म सक्रिय संक्रमितको संख्या एक हजार ४४ जना रहेको छ ।
Discussion about this post