मेचीनगर र शिवसताक्षी नगरपालिकामा एक–एक जनाको कोरोनाबाट मृत्यु

झापा । मेचीनगर नगरपालिका र शिवसताक्षी नगरपालिकामा एक–एक जना गरी दुईजनाको कोरोना संक्रमणबाट मृ त्यु भएको छ ।

मेचीनगर नगरपालिका कर्मचारी र शिवसताक्षीका एक बृद्धाको कोरोनाबाट मृत्यु भएको हो । मृत्यु हुनेमा मेचीनगर नगरपालिकाका कार्यालय सहयोगी ४७ वर्षिय गणेश खड्का र शिवसताक्षी–८ की ७७ वर्षीया चन्द्रमाया सेन्चुरीको मृत्यु भएको बताइएको छ ।
त्यस्तै मेचीनगर ४ निवासी नगरपालिकाका स्थायी कर्मचारी खड्काको गएराति धरानको विपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको हो । उनलाई मंसिर ४ गते संक्रमण पुष्टि भएको थियो । योसँगै मेचीनगरमा कोरोना संक्रमणबाट मृत्यु हुनेको सँख्या ९ पुगेको छ

विरामी भएर बिर्तामोडको बिएण्डसी हस्पिटल ल्याइएकी ती बृद्धाको हिजो पिसिआर परीक्षण गरिएको थियो । उनलाई डिस्चार्ज गरी हिजै घर लगिएको थियो । राति उनको रिपोर्ट पोजिटिभ आएको र राति नै मृत्यु भएको नगरपालिकाका स्वास्थ्य शाखाका रोशन भट्टराईले बताउनुभयो । यो समाचार तयार पर्दासम्म आज झापामा दुईजनाको कोरोनाबाट मृत्यु भएको छ।