झापा । लामो समय झापामा रहेर जिल्ला विकास समिति झापाको एलडीओको जिम्मेवारी सम्हालिसक्नु भएका खेमराज ओझाले आजबाट मेचीनगरको प्रमुख प्रशासकीय अधिकृतको कार्यभार सम्हाल्नु भएको छ ।
मेचीनगर नगरपालिकाको प्रमुख प्रशासकीय अधिकृतको रुपमा ओझाले प्रक्रियागत आजैदेखि आफ्नो कार्यभार सम्हाल्नुभएको हो ।
ओझा केही समयअघि ३ वर्ष जिल्ला विकास समिति झापाको एलडिओ रहेर काम गरिसक्नु भएको छ । राज्य पुरसंरचनाताका उहाँले झापामा महत्वपूर्ण योगदान पुर्याउनुु भएको छ ।
त्यसपश्चात सुनसरीको दुहवी नगरपालिकामा दुईवर्ष व्यतित गरसक्नुभएका ओझा पुनः झापा फर्केर गौरादह नगरपालिकामा प्रमुख प्रशासकीय अधिकृतको रुपमा एकवर्ष आफ्नो कार्यभार सफलतापूर्वक सम्हाल्नु भई आजबाट पूर्वको मुख्य नाकाका रुपमा रहेको मेचीनगर नगरपालिकामा कार्यभार सम्हाल्न आइपुग्नुभएको छ ।
आफूले कार्यभार सम्हालेपछि ओभाले जनप्रतिनिधिको निर्णय, सरकारको नीति तथा निर्देशन, नगरबासीहरुको आवश्यकता र भावना बमोजिम नगरको हितमा आफू सदैव कटिबद्ध भएर सेवा पुर्याउने प्रतिवद्धता व्यक्त गर्नुभयो ।
यसैबीच नगरपालिकाले नयाँ प्रमुख प्रशासकीय अधिकृत ओझालाई स्वागतका लागि एक कार्यक्रमको आयोजना गरिएको थियो । सोही कार्यक्रममा मेचीनगर नगपालिकाका कार्यवाहक नगरप्रमुख मीना उप्रेती, वडा अध्यक्षहरु, कार्यपालिका सदस्यहरु र नगरापालिकाका कर्मचारीलगायतले कार्यकाल सफलताको शुभकामना दिएका थिए ।
Discussion about this post