मदन र उमाद्वारा बालगृहलाई सहयोग

बिर्तामोड । आफ्नो जन्मोत्सव केही सामाजिक कार्यमा सहयोग गरौं भनी अर्जुनधारा र मेचीनगरकाका दुइ सामाजिक ब्याक्तित्व मदन र उमा मनमाया बालगृहमा आउनु भएको हो ।

बन्दी सहायता नेपालद्वारा संचालित जुनकीरी प्राबी तथा मनमाया आमा बालगृहमा प्रकाश हाडवयर अर्जुनधारा ११ बुटाबारीका प्रोपाइटर मदन हुमागाइले आफ्नो २९ औं जन्मोत्सवको अवसरमा सस्थालाई एघार हजार बराबरको स्टिल दराज र बालबालिकालाई खाद्यान्न प्रदान गर्दै सस्थाका अध्यक्ष जगतबहादुर मगरलाई दराजको चाबी हस्तान्तरण गर्नुभएको थियो ।

त्यस्तै मेचीनगर १३ कि संस्थाकी पुर्ब कोषाध्यक्ष तथा रास्ट्रसेवक उमा श्रेष्ठले बालबालिकाहरुलाई चकलेट बितरण गर्दै पाँच हजार बराबरको प्लास्टिक कुर्सी प्रदान गर्नु भएको छ । फजुल खर्च अहिलेको महामारीमा गर्नु भन्दा बालबालिका र संस्थालाई सहयोग गर्न चाहना अनुसार आफ्नो साथी इन्दिरा रानालाई सम्झना गर्दै नानीहरूलाई भेट्न आएको उमा श्रेष्ठले बताउनु भयो

पहिलेदेखि बालगृहमा सहयोग गर्ने चाहना अनुसार आज आफ्नो जन्मोत्सव नानीहरूसँग बनाउन पाएकोमा खुशी ब्यक्त अर्को मदन हुमागाँइले बताउनुभयो । कार्यक्रममा हुमगाँइ र श्रेष्ठलाई संस्थाको तर्फबाट सह संयोजक अर्जुन थेबे, पिटिए अध्यक्ष डम्बरबहादुर श्रेष्ठ, ज्ञानु शिवाकोटी बिनोद हुमागाँइ लगायतले सराहनीय कार्यको प्रशंसा गर्दै शुभकामना व्यक्त गर्नुभएको थियो भने सहजीकरण प्रधानाध्यापक रन्जित परियारले गर्नुभएको थियो ।