बिर्तामोड । झापाको व्यापारिक केन्द्रका रुपमा रहेको बिर्तामोड उद्योग वाणिज्य संघको तिन बर्षे कार्यकालको लागि अध्यक्षमा प्रकाश शिवाकोटीले विजयी हुनुभएको छ ।
आइतवार सम्पन्न निर्वाचनपछिको मतगणना अनुसार लोकतान्त्रिक प्यानलबाट अध्यक्ष पदमा उम्मेदवारी दिनुभएका शिवाकोटीले २१३९ मत प्राप्त गरेर अध्यक्षको पदमा विजयी बन्नुभएको हो ।
उहाँका निकटतम् प्रतिष्पर्धी संयुक्त व्यावसायिक प्यानलका अध्यक्ष पदका उम्मेदवार सुभास भट्टराईले १६१५ मत प्राप्त गरेर उपविजेता बन्नुभएको छ ।
यसैगरी, वरिष्ठ उपाध्यक्षमा लोकतान्त्रिक प्यानलका राजु न्यौपाने विजयी हुनुभएको छ उहाँले २११६ मत प्राप्त गरी विजयी बन्नुभएको छ । उहाँका निकटतम् प्रतिष्पर्धी संयुक्त प्यानलका नारायणप्रसाद चिमरियाले १५१२ मत प्राप्त गर्नुभएको छ ।
उद्योग उपाध्यक्षमा लोकतान्त्रिक प्यानलका संजीव घिमिरेले १९४० मत प्राप्त गर्दै विजय हासिल गर्नुभएको छ भने उहाँका निकटतम् प्रतिष्पर्धी संयुक्त प्यानलका प्रकाश घिमिरेले १७१८ प्राप्त गर्नुभएको छ ।
वाणिज्य उपाध्यक्षमा लोकतान्त्रिक प्यानलका राजकुमार घिमिरे (राजु)–ले २२७८ मत प्राप्त गर्दै विजयी बन्नुभएको छ भने उहाँका निकटतम् प्रतिष्पर्धी संयुक्त प्यानलका रामकृष्ण अधिकारीले १३२३ मत प्राप्त गर्नुभएको छ ।
त्यस्तै यसअघि नै महिला उपाध्यक्षमा नैनाकला भट्टराई सर्वसम्मत निर्वाचित बनिसक्नु भएको थियो ।
त्यस्तै महासचिवमा संयुक्त प्यानलका अर्जुनकुमार मैनालीले १८४३ मत प्राप्त गरेर विजयी हुनुभएको छ भने उहाँका निकटतम् प्रतिष्पर्धी लोकतान्त्रिक प्यानलका रविन्द्र भट्टराईले १८१७ मत प्राप्त गर्नुभएको थियो ।
त्यस्तै उद्योग सचिवमा लोकतान्त्रिक प्यानलका कुशल खतिवडाले २५५० सबै भन्दा धेरै मत प्राप्त गरी विजयी बन्नुभयो भने उहाँका निकटतम् प्रतिष्पर्धी संयुक्त प्यानलका धनबहादुर डाँगीले १०६३ मत प्राप्त गर्नुभएको छ ।
वाणिज्य सचिवमा संयुक्त प्यानलका कृष्ण पौडेलले १९६६ मत प्राप्त गरी विजयी बन्नुभयो भने उहाँका निकटतम् प्रतिष्पर्धी लोकतान्त्रिक प्यानलका राजकुमार शाह (राजश्री)–ले १६७४ मत प्राप्त गर्नुभएको थियो ।
त्यस्तै कोषाध्यक्षमा लोकतान्त्रिक प्यानलका दिपेन्द्र राउतले २१२२ मत प्राप्त गरेर विजयी बन्नुभएको छ भने उहाँका निकटतम् प्रतिष्पर्धी संयुक्त प्यानलका दुर्गाप्रसाद थपलियाले १५२४ मत प्राप्त गर्नुभएको छ ।
त्यस्तै महिलातर्फको आरक्षित सह–कोषाध्यक्षमा लोकतान्त्रिक प्यानलकी राधिका चुडाल हुमागाईले १९७० मत प्राप्त गरेर विजयी बन्नुभएको छ भने उहाँका निकटतम् प्रतिष्पधी रञ्जु प्याकुरेलले १६२४ मत प्राप्त गर्नुभएको छ ।
त्यसैगरी सदस्यहरुमा गुन्जन प्रसाई २००८ जीवनकुमार खड्का १९१८, दिपक मित्तल १८९९, पुकार बराल २०००, बलराम सिटौला (राम) १८६१, विशाल थापा २०९९ गौरीशंकर गुप्ता १७९० मत प्राप्त गरी विजयी भएका छन् । महिला सदस्यमा तुलसा ढकाल २१९५ र रुची शिवाकोटीले २०७६ मत प्राप्त गरी विजयी बन्नुभएको थियो ।
कुल तीन हजार ८४९ मतमध्ये अहिलेसम्म पदाधिकारीमा तीन हजार ३६२ जनाको मतमात्र गणना भएको निर्वाचन समितिले जनाएको छ ।
Discussion about this post